নলবাৰী জিলাৰ বৰভাগ অঞ্চলৰ ছমাৰকুছি চকৰ পৰা সানেকুছি চকলৈ বিপদজনক ভাবে বিদ্যুত পৰিবাহী তাৰ ওলমি থকাত ৰাইজ সংকিত হৈ পৰিছে৷উল্লেখ্য যে অতিপাত ব্যস্ত মৰোৱা কমলপুৰ পথৰ দাতিতে দীৰ্ঘদিনৰ পৰা এছ টি আৰু এল টি বিদ্যুত পৰিবাহী তাৰ ওলমি থকাটো ৰাইজে এ পি ডি চি এলৰ নলবাৰী সংমণ্ডলক অৱগত কৰিছে৷কিন্তু বিভাগটোৱে ৰাইজৰ অভিযোগক কোনো গুৰুত্বই নিদিয়াৰ অভিযোগ উঠিছে৷উল্লেখ কৰিবলগীয়া কথা যে পূৰ্বতে উক্ত ঠাইত এখন গেছ ভৰ্তি ট্ৰাক এছ টি লাইনত লাগি অঞ্চলৰ ৰাইজ সম্ভাব্য বিপদৰ পৰা ৰক্ষা পৰিছিল৷বৰ্তমানো তেনেকুৱা বিপদৰ আশংকা কৰি ৰাইজে ইয়াৰ এটা ইতিবাচক ব্যৱস্থা লৱলৈ এ পি ডি চি এলৰ নলবাৰী সংমণ্ডলৰ বিষয়া কৰ্মচাৰীক অনুৰোধ জনাইছে৷