বুধবাৰে দিনত তিনিচুকীয়াৰ ষ্টেট বেংকৰ সন্মুখত হঠাৎ সৃষ্টি হয় এটা গুলীৰ শব্দ।  তাৰ পাছতে ততাতৈয়াকৈ ঘটনাস্থলীত আৰক্ষী উপস্থিত হৈ আৰম্ভ কৰে তদন্ত ৷ স্থানীয় ৰাইজৰ ভাষ্য অনুসৰি, ষ্টেট বেংকৰ পৰা ATM লৈ ধন কঢ়িয়াই নিয়াৰ বাহনৰ নিৰাপত্তাৰক্ষীৰ দায়িত্বত থকা লোকজনৰ হাতত থকা অস্ত্ৰটোৰ পৰা হঠাৎ ওলাই যায় এটা গুলী ৷ লোকজন বাহনৰ ভিতৰত থকা হেতুকে বাহিৰত কোনো লোক হতাহত হোৱা নাই ৷ পৰৱৰ্তী সময়ত নিৰাপত্তাৰক্ষীৰ লোকজনৰ লগতে বাহনখন সদৰ আৰক্ষী থানালৈ লৈ যোৱাৰ লগতে তদন্ত প্ৰক্ৰিয়া অব্যাহত ৰাখে ৷