সোমবাৰে ডিগবৈ বিধানসভা সমষ্টিৰ মাকুম পৌৰসভাৰ অন্তৰ্গত ১০ টা ৱাৰ্ডৰ সচেতন নাগৰিকসকলক লৈ মাকুমৰ যুগল কিশোৰ কেষান ভৱনত মাকুম পৌৰসভাই এক গুৰুত্বপূৰ্ণ সভা  অনুষ্টিত কৰে ৷ মাকুম চহৰখন জাকতজিলিকা কৰি তোলাৰ স্বাৰ্থত সচেতন নাগৰিকসকলৰপৰা বিভিন্ন পৰামৰ্শ গ্ৰহণ কৰে পৌৰসভাই।  সভাখনত ডিগবৈ সমষ্টিৰ বিধায়ক সুৰেণ ফুকন, পৌৰপতি বিপাশা বৰা, পৌৰ আয়ুক্ত অপৰূপা বুঢ়াগোহাঁই, গাঁও আৰু নগৰীয়া উন্নয়ন পৰিকল্পনা সঞ্চালক বিশ্বজিৎ ভূঞা, পৌৰসভাৰ বিষয়া-কৰ্মচাৰীৰ লগতে ভালেসংখ্যক গণ্যমান্য ব্যক্তি উপস্থিত থাকে ৷