বিশ্বনাথৰ সাকোমঠা চাহ বাগিছাৰ বৰপুখুৰী ৰোডত সংঘটিত হল ভয়াবহ পথ দুৰ্ঘটনা।তীব্ৰ বেগী মটৰ চাইকেলে নিয়ন্ত্ৰণ হেৰুৱাই খুন্দা মাৰে বৈদ্যুতিক খুটাত।থিতাতে নিহত হয় মটৰ চাইকেল চালক গনেশ তেলী।উল্লেখ যে বিশ্বনাথৰ বৰপুখুৰী দিশৰ পৰা প্ৰতাপগড় দিশে AS 12T 7644 নম্বৰৰ yamha fr মটৰ চাইকেল গৈ থকা সময়তে এটা টাৰ্নিঙত নিয়ন্ত্ৰণ হেৰুয়াই এটা বৈদ্যুতিক খুটাত খুন্দা মাৰে আৰু থিতাতে নিহত হয় । লগে লগে স্থানীয় ৰাইজে বিশ্বনাথ চাৰিআলি আৰক্ষী থানাত খবৰ দিয়ে আৰু বিশ্বনাথ চাৰিআলি আৰক্ষী থানাৰ যান বাহন বিভাগৰ লোকে ঘটনা স্থলীত উপস্হিত হৈ মৃতদেহটো উদ্ধাৰ কৰি ১০৮ সেৱাৰে বিশ্বনাথ চাৰিআলি অসামৰিক চিকিৎসালয়ত লৈ আনে যদিও চিকিৎসকে লোক জনক মৃত বুলি ঘোষনা কৰে।যান বাহন আৰক্ষীৰ মতে হেলমেট পৰিধান নকৰাৰ বাবেই এইদৰে বাইক আৰোহীয়ে অকাল মৃত্যুক সাবতিব লগিয়া হল।