নাৰায়ণপুৰ ৰাজহচক্ৰৰ অন্তৰ্গত নাওঘুলীত বহুপথাৰ শ্ৰীশ্ৰী নীলকন্ঠ  মন্দিৰ সমিতিৰ উদ্যোগত নাওঘুলী বহুপথাৰ মধ্য ইংৰাজী বিদ্যালয়ত অনুষ্ঠিত হৈছে যোগাসন কৰ্মশালা ৷ বিদ্যালয়ৰ গ্ৰীষ্ম বন্ধৰ সময়চোৱাত নাৰায়ণপুৰৰ বিভিন্ন প্ৰান্তৰ লগতে নাওঘুলীতো যোৱা ৩ জুলাই পৰা ৩০ জুলাইলৈ অনুষ্ঠিত হৈছে এমহীয়া যোগাসন প্ৰশিক্ষণ কৰ্মশালা ৷ আজি শিমলুগুৰি গাঁও পঞ্চায়তৰ সভানেত্ৰী শিখামনী বৰকটকী কৰ্মশালাখনত উপস্থিত থাকি শিশুসকলৰ মনোবল বৃদ্ধি কৰে ৷ শিমলুগুৰি অঞ্চলৰ কেইবাজনো যোগ গুৰুৱে প্ৰশিক্ষণ প্ৰদান কৰিছে ৷ শিশুসকলৰ শাৰিৰীক বিকাশ আৰু মানসিক উৎকৰ্ষ সাধনৰ লক্ষ্যৰে এই যোগাসন কৰ্মশালা অনুষ্ঠিত কৰা বুলি উদ্যোক্তাসকলে জানিবলৈ দিয়ে ৷