আজি শিক্ষক দিৱস। ভাৰতৰ প্ৰাক্তন ৰাষ্ট্ৰপতি, দাৰ্শনিক, পণ্ডিত ড০ সৰ্বপল্লী ৰাধাকৃষ্ণণৰ জন্মদিন । সমগ্ৰ দেশজুৰি উলহ-মালহেৰে পালন শিক্ষক দিৱস। ইপিনে ৰাজ্যৰ ভিন্ন প্ৰান্তত আজি শিক্ষক দিৱসৰ পবিত্ৰ দিনটোত দেশৰ প্ৰাক্তন ৰাষ্ট্ৰপতি ড° সৰ্বপল্লী ৰাধাকৃষ্ণণ দেৱলৈ গভীৰ শ্ৰদ্ধা নিবেদন কৰি প্ৰতিখন শিক্ষানুষ্ঠানত উলহমালহেৰে শিক্ষক দিৱস উদযাপন কৰে ৷ ইয়াৰ সমান্তৰালভাৱে ঢকুৱাখনা শিক্ষক প্ৰশিক্ষণ মহাবিদ্যালয়তো ৬১ সংখ্যক শিক্ষক দিৱস বি. এডৰ প্ৰশিক্ষাৰ্থী সকলে উদযাপন কৰে ৷ কাৰ্যসূচী অনুসৰি পুৱাৰ ৮ বজাত প্ৰশিক্ষাৰ্থীসকলে সমূহীয়া চাফাই কৰাৰ পিছত ১০ বজাৰ পৰা আৰম্ভ হোৱা অনুষ্ঠানৰ আৰম্ভণিতে শিক্ষক প্ৰশিক্ষণ মহাবিদ্যালয়ৰ অধ্যক্ষ ড° প্ৰদীপ চন্দ্ৰ বৰাই বন্তি প্ৰজ্বলন কৰে । মহাবিদ্যালয়ৰ প্ৰশিক্ষাৰ্থীসকলৰ দ্বাৰা এটি প্ৰাৰ্থনাৰে অনুষ্টিত হোৱা সভাখন সভাপতিত্ব কৰে মহাবিদ্যালয় অধ্যক্ষ ড° প্ৰদিপ চন্দ্ৰ বৰাই ৷ অধ্যক্ষ ড° বৰা লগতে প্ৰশিক্ষক লিনা বুঢ়াগোহাঁই প্ৰশিক্ষাৰ্থী সকলক উদ্দেশ্যি বহুখিনি গুৰুত্বপূৰ্ণ কথা অৱগত কৰে ৷ অনুষ্ঠানত মহাবিদ্যালয়ৰ প্ৰশিক্ষাৰ্থী কংকণা লেখাৰু, জাহ্নৱী শইকীয়াই সংগীত পৰিৱেশন আৰু হিৰেণ বৰুৱাৰ বাঁহী বাদনেৰে অনুষ্ঠানটো সুন্দৰ কৰি তোলে ৷ ইফালে মহাবিদ্যালয়খনৰ প্ৰশিক্ষাৰ্থীসকলে শিক্ষাগুৰু সকলক শ্ৰদ্ধাজনোৱাৰ লক্ষ্যৰে আজি দিনটোত শিক্ষক দিৱস অনুষ্ঠিত কৰি শিক্ষাগুৰু সকলৰ চৰণত সেৱা ও শ্ৰদ্ধা জনায় । আজি এই শিক্ষক দিৱসৰ মূল সভাত মহাবিদ্যালয় প্ৰশিক্ষক, কৰ্মচাৰী সকলৰ লগতে প্ৰশিক্ষাৰ্থী সকল উপস্থিত থাকে।