চাকৰি নিয়মীয়াকৰণৰ দাবীত ধেমাজিত আজি চৰকাৰী চিকিৎসালয়ৰ অস্হায়ী কৰ্মচাৰীয়ে অৱস্থান ধৰ্মঘট পালন কৰি প্ৰতিবাদ সাব্যস্ত কৰে ৷ সামান্যতম পৰিতোষিকেৰে চিকিৎসালয় পৰিচালনা কমিটিৰ দ্বাৰা নিযুক্তি লাভ কৰি দিনে ৰাতিয়ে সেৱা আগবঢ়াই অহা জিলাখনৰ অৰ্ধশতাধিক চৰকাৰী চিকিৎসালয়ৰ অস্হায়ী কৰ্মচাৰীসকলে আজি সদৌ অসম চৰকাৰী চিকিৎসালয় অস্হায়ী কৰ্মচাৰী সন্হাৰ ধেমাজি জিলা সমিতিৰ উদ্যোগত ধেমাজি কাছাৰী ময়দানৰ সমীপত এক প্ৰতিবাদী অৱস্থান ধৰ্মঘট পালন কৰি বিভিন্ন দাবী সম্বলিত এক স্মাৰকপত্ৰ জিলা উপায়ুক্তৰ জৰিয়তে মুখ্যমন্ত্ৰীলৈ প্ৰেৰণ কৰে ৷