অসম ৰাইফলছ আৰু আইজলৰ বিশেষ মাদক দ্ৰব্য আৰক্ষীয়ে মিজোৰামত ১.০২৬ কেজি হেৰ’ইন জব্দ কৰিছে। দুজন লোকক গ্ৰেপ্তাৰ কৰিছে আৰক্ষীয়ে। জব্দ কৰা হেৰ’ইনৰ মূল্য ৫ কোটি টকা। আৰক্ষীয়ে জনোৱা মতে, গোপন তথ্যৰ ভিত্তিত যৌথ দলে জেমাবাউক অঞ্চলত অভিযান চলায়। ৮৮টা চাবোনৰ বাকচত ৰখা হেৰ’ইন জব্দ কৰিছে এজন ড্ৰাগছ সৰবৰাহকাৰীৰ পৰা। চাবোনৰ বাচনটোৰ পৰা জব্দ ১.০২৬ কেজি হেৰ’ইন। মিজো আৰক্ষীয়ে জব্দ কৰা হেৰ’ইনৰ মূল্য পাঁচ কোটি টকাৰো অধিক বুলি জানিবলৈ দিয়ে। এই গোচৰত চম্পাই জিলাৰ মিংথান সাংগা আৰু লালসংগা নামৰ দুজন ড্ৰাগছ সৰবৰাহকাৰীক গ্ৰেপ্তাৰ কৰা হৈছে। আৰক্ষীয়ে এই সন্দৰ্ভত এফআইআৰ ৰুজু কৰি দুয়োজন সৰবৰাহকাৰীক জেৰা অব্যাহত ৰাখিছে।