চিচিবৰগাঁও মহাবিদ্যালয়ৰ অসমীয়া বিভাগত শিক্ষক দিৱস উদযাপনঃ আন আন প্ৰান্তৰ সমান্তৰাল ভাৱে ধেমাজি জিলাৰ চিচিবৰগাঁও মহাবিদ্যালয়ৰ অসমীয়া বিভাগতো উলহ-মালহেৰে আজি শিক্ষক দিৱস উদযাপন কৰা হয় । ডঃ সৰ্বপল্লী ৰাধা কৃষ্ণৰ প্ৰতিকৃৰ্তিত বন্তি প্ৰজ্বলন কৰি মাল্য অৰ্পন কৰাৰ পাছতেই বিভাগীয় প্ৰধান অনুপ চুতীয়াৰ সভাপতিত্বত এখন সভা অনুষ্ঠিত হয়। য'ত বৰ্তমান অধ্যয়নৰত ছাত্র-ছাত্ৰী আৰু একাংশ প্ৰাক্তন ছাত্ৰ-ছাত্ৰীয়ে শিক্ষক সকলক ফুলাম গামোচা, ফুলৰ থোপাৰে সম্বৰ্ধনা জনায় । সমান্তৰালভাৱে ছাত্র-ছাত্ৰী সকলে গীত মাত নৃত্য পৰিবেশন কৰি এক আনন্দ মুখৰ পৰিবেশ সৃষ্টি কৰে । আনহাতে শিক্ষক দিৱসৰ তাৎপৰ্য সম্পৰ্কত ড০ সৰ্বপল্লী ৰাধাকৃষ্ণণৰ জীৱন আৰু দৰ্শনৰ ওপৰতো ছাত্র-ছাত্ৰী আৰু শিক্ষক সকলে আলোকপাত কৰে । নিজৰ চমু ভাষণত শিক্ষক অনুপ চুতীয়া , নয়নমনি মহন্ত, উত্তম কুমাৰ চুতীয়া, অৰুণিমা ভূঞা, বৰ্ণালী চুতীয়া, কংকনা ভূঞায়ে শিক্ষক আৰু ছাত্ৰ-ছাত্ৰীৰ মনিকাঞ্চন সংযোগৰ যি পবিত্ৰতা চিৰদিন বৰ্তী থাকিব বুলি উল্লেখ কৰে ।
महावीर कुल्फी सेन्टर की और से बूंदी वासियों को दीपावली की हार्दिक बधाई व शुभकामनाएं
