বটদ্ৰৱাৰ ডুমডুমীয়াত ভুৱা আধাৰ কাৰ্ড, পান কাৰ্ড, প্ৰস্তুতকাৰী আটক । নগাঁও জিলাৰ বটদ্ৰবা থানাৰ অন্তৰ্গত ডুমডুমীয়া পহৰা চকীৰ অন্তৰ্গত ওপৰ ডুমডুমীয়াৰ পৰা ভুৱা আধাৰকাৰ্ড পানকাৰ্ড সহ দুই প্ৰস্তুতকাৰীক আটক কৰে বটদ্ৰবা আৰক্ষীয়ে। বটদ্ৰবা থানাৰ ভাৰপ্ৰাপ্ত বিষয়া চিৰঞ্জীত লাহনৰ নেতৃত্বত আৰক্ষীৰ দলে গোপন সূত্ৰৰ পম খেদি নুৰজামাল গাজী, আৰু মোস্তাফা আহমেদ নামৰ দুজনক আটক কৰে। আৰক্ষীয়ে জানিব দিয়া মতে, নুৰজামালৰ কম্পিউটাৰ দোকানৰ পৰা এটা কম্পিউটাৰ, পান কাৰ্ড, আধাৰ‌ কাৰ্ড, ছীল আদি আপত্তিজনক নথিপত্ৰ সহ আটক কৰিবলৈ সক্ষম হয় লোককেইজনক । বৰ্তমান আৰক্ষীয়ে মাৰাথান জেৰা অব্যাহত ৰাখিছে ।