এছিয়াকাপ-২০২২ ৰ আজি দ্বিতীয় বাৰলৈ মুখামুখি হ'ব ভাৰত-পাকিস্তানঃ এছিয়া কাপ ক্ৰিকেট  ২০২২ৰ ভাৰত আৰু পাকিস্তানৰ মাজত আজি দ্বিতীয়খন খেল অনুষ্ঠিত হ'ব । যোৱা ২৮ আগষ্ট তাৰিখে ডুবাই  আন্তঃৰাষ্ট্ৰীয় ক্ৰিকেট ষ্টেডিয়ামত  দুয়োটা দলৰ মাজত অনুষ্ঠিত হোৱা প্ৰথমখন খেলত ভাৰতে  পাকিস্তানক ৫ উইকেটত পৰাস্ত কৰিছিল। অলৰাউণ্ডাৰ হাৰ্দিক পাণ্ডিয়া আৰু ৰবীন্দ্ৰ জাডেজাৰ উজ্জীৱিত প্ৰদৰ্শনে মসৃণ কৰিছিল টীম ইণ্ডিয়াৰ বিজয়।  ইতিমধ্যে দুয়োটা দলে SUPER-4 ত স্হান পাইছে। ইয়াৰ মাজতে ভাৰতীয় দলৰ বাবে এক দুঃখৱৰ ও আহে । আঘাতৰ বাবে মেচৰ পৰা বাদ পৰিল ভাৰতীয় দলৰ অলৰাউণ্ডাৰ ৰবীন্দ্ৰ জাডেজা। জাডেজাৰ স্থানত খেলিব অক্ষয় পেটেলে । আজি অনুষ্ঠিত হ’বলগীয়া খেলখন ভাৰতীয় সময় মতে সন্ধিয়া ৭:৩০ বজাত আৰম্ভ হ’ব ।