● দুৰ্নীতি নিবাৰক আৰু তদাৰকী শাখাৰ জালত গ্ৰেপ্তাৰ হল ৩ ছেপ্টেম্বৰৰ দিনা কচুৱা থানাৰ আৰক্ষী উপ পৰিদৰ্শক অনুপ কাকতী । আৰক্ষীৰ সূত্ৰ অনুসৰি আচামিৰ পৰা গোচৰ মীমাংসা কৰি দিয়াৰ বিনিময়ত ধন দাবী কৰিছিল ধৃত আৰক্ষী উপ পৰিদৰ্শক অনুপ কাকতীয়ে ।  ভুক্তভোগী আচামিৰ পৰিয়ালে উক্ত বিষয়টোৰ সন্দৰ্ভত আৰক্ষীৰ দুৰ্নীতি নিবাৰক আৰু তদাৰকী শাখাৰ টেবুলত অভিযোগ দাখিল কৰাৰ পৰিপ্ৰেক্ষিতত ৩ ছেপ্টেম্বৰৰ সন্ধিয়া দুৰ্নীতি নিবাৰক আৰু তদাৰকী শাখাৰ এটি দলে ঘোচ লৈ থকা অৱস্থাত উপ পৰিদৰ্শক অনুপ কাকতীক হাতে-লোটে গ্ৰেপ্তাৰ কৰে ।