কাজিৰঙাৰ "হুকুমা বিল" আৰু "কাজিৰঙা বিল" খননক লৈ ব্যাপক প্ৰতিক্ৰিয়াৰ সৃষ্টি হৈছে কাজিৰঙাত।উল্লেখ্যে যে NAFCC পূজিৰ জৰিয়তে বিল দুখন উন্নয়ন আৰু সংৰক্ষণৰ বাবে আছে প্ৰায় ৫ কোটি টকা। ২০১৬ চনতে ধাৰ্য কৰা হৈছে এই ধন।কিন্তু ৰাইজৰ বিৰোধীতাৰ বাবে ধন খৰচ কৰি বিলদুখন খনন কৰিব পৰা হোৱা নাই। শেহতীয়াকৈ কাজিৰঙা-হুকুমা বিল সংৰক্ষণ আৰু উন্নয়ন সমিতি গঠন কৰি বন বিভাগৰ উদ্যোগত আৰু স্থানীয় ৰাইজৰ সহযোগত বিল দুখন খনন কৰাৰ প্ৰস্তাৰ গ্ৰহণ কৰিছে যদিও হুকুমা আৰু কাজিৰঙা বিলৰ দাতিকাষৰীয়া কেইবাখনো গাওঁৰ ৰাইজে বিল দুখন খননৰ বিৰোধীতা কৰিছে।