সোণাৰি সমষ্টিৰ অন্তৰ্গত বৃহত্তৰ বৰহাট অঞ্চলৰ চিকিৎসা সেৱাৰ অন্যতম কেন্দ্ৰ বৰহাট প্ৰাথমিক স্বাস্থ্য কেন্দ্ৰত স্থায়ী চিকিৎসক নথকাত তীব্ৰ প্ৰতিক্ৰিয়া সৃষ্টি হৈছে। স্থায়ী চিকিৎসক নথকাত ৫২ খন ৰাজহ গাঁৱৰ জনসাধাৰণে চিকিৎসাৰ বাবে সোণাৰি নাইবা ডিব্ৰুগড়লৈ যাবলগীয়া হোৱাত অসুবিধাৰ সন্মুখীন হৈ আহিছে দীৰ্ঘদিন ধৰি। ইয়াৰ পৰিপ্ৰেক্ষিতত অতিশীঘ্ৰে এই চিকিৎসালয়খনত স্থায়ী চিকিৎসক নিযুক্তিৰ দাবী উত্থাপন কৰিছে টাই আহোম যুৱ পৰিষদ অসমৰ চৰাইদেউ জিলা সমিতিয়ে।