আজি অসম গৌৰৱ ক্ৰীড়াবিদ অৰ্জুন ভোগেশ্বৰ বৰুৱাৰ জন্ম দিন। তেখেতৰ তিনি ছেপ্তেম্বৰ জন্মদিনটো সমগ্ৰ অসমে অভিৰুচি ক্ৰীড়া দিৱস হিচাপে পালন কৰি আহিছে। কমাৰবন্ধা ক্ৰীড়া সন্থাইও আজি এই অভিৰুচি ক্ৰীড়া দিৱস অতি উলহ মালহেৰে আয়োজন কৰিছে। পোৱা ঐতিহাসিক শ্ৰী শ্ৰী আঠখেলীয়া নামঘৰৰ পৰা কমাৰবন্ধা উচ্চতৰ মাধ্যমিক বিদ্যালয়ৰ খেলপথাৰলৈ সদৌ অসম ভিত্তিত প্ৰাইজমনি সামূহিক দৌৰ প্ৰতিযোগিতাৰে দিৱসৰ শুভাৰম্ভ কৰে। শ শ প্ৰতিযোগিয়ে অংশ গ্ৰহণ কৰা প্ৰতিযোগিতা উদ্বোধন কৰে জিলা ক্ৰীড়া বিষয়া ছামী শইকীয়াই। দৌৰ শুভাৰম্ভ কৰে অসম ক্ৰিকেট সন্থাৰ উপ সভাপতি পৰিক্ষীত দত্ত।সামূহিক দৌৰ সমাপন হোৱাৰ পাছত পতাকা উত্তোলন কৰা হয়। সমগ্ৰ দিনটো বিভিন্ন প্ৰতিযোগিতা যেনে দৌৰ,জেবলিন,ডিচকাচ,চটফুট আদিৰ লগতে এখন প্ৰীতি ফুটবল খেলু আয়োজন কৰিছে। এই সমগ্ৰ খেল সমূহ কমাৰবন্ধা উচ্চতৰ মাধ্যমিক বিদ্যালয়ৰ খেলপথাৰত অনুস্থিত হব।