উখল মাখল পৰিবেশ টিংখাং মহাবিদ্যালয়ৰ চৌদিশ । বৃহত্তৰ টিংখাং সমষ্টিৰ উচ্চ শিক্ষাৰ একমাত্ৰ চৰকাৰী শিক্ষা অনুষ্ঠান টিংখাং মহাবিদ্যালয়ৰ সোণালী জয়ন্তী সমাৰোহৰ সামৰণি অনুষ্ঠান আজি সামৰণি পৰিব। তিনিদনীয়াকৈ মহাবিদ্যালয়ৰ খেলপথাৰত অনুষ্ঠিত সামৰণি দিনা অথাৎ আজি পুৱাৰ ১০-৩০ বজাত বৰ্ণিল সাংস্কৃতিক দলৰ অংশ গ্ৰহণেৰে দিনটোৰ কাৰ্যসূচী শুভাৰম্ভ হয়। সাংস্কৃতিক শোভাযাত্ৰা শুভাৰম্ভ কৰে মহাবিদ্যালয়ৰ অৱসৰপ্ৰাপ্ত অধ্যক্ষ জীৱেশ্বৰ মহনে।এই সাংস্কৃতিক শোভাযাত্ৰাত মহাবিদ্যালয়ৰ ছাত্ৰ-ছাত্ৰীৰ লগতে অঞ্চলটো বিভিন্ন সাংস্কৃতিক দলে অংশ গ্ৰহণ কৰে। এই কাৰ্যসূচীত কাৰ্যসূচীত মহাবিদ্যালয়ৰ অধ্যক্ষ ডঃ মৌচুমী গগৈয়ে নেতৃত্বত প্ৰদান কৰে। দুপৰীয়া ১  বজাৰ পৰা অনুষ্ঠিত হ'ব মুকলি সভা । উদযাপন সমিতিৰ সভাপতি তথা মন্ত্ৰী বিমল বড়া সঞ্চালনাত অনুষ্ঠিত হ'ব লগা এই মুকলি সভাত অসম চৰকাৰৰ শিক্ষামন্ত্ৰী  ডাঃ ৰণোজ পেগুৰ লগতে ৰাজহ আৰু দুৰ্যোগ প্ৰশমন মন্ত্ৰী যোগেন মহন লগতে শিক্ষা বিষয়া আৰু ভালেসংখ্যক বিশিষ্ট ব্যক্তিয়ে অংশ গ্ৰহণ কৰিব। মুকলি সভাতে কেইবাখনো গ্ৰন্থ উন্মোচন কৰিব।