চিলাপথাৰৰ ফুলবাৰী পথাৰত নিৰ্মাণ হৈ আছে এটি বৃহৎ বৌদ্ধ মন্দিৰঃ  ধেমাজি জিলাৰ বাণিজ্যিক নগৰ হিচাপে খ্যাত চিলাপথাৰৰ মালিনীপুৰ পঞ্চায়তৰ অন্তৰ্গত ফুলবাৰী পথাৰত প্ৰায় ৪০০ বিঘা এলেকা সামৰি কেৱল এবিঘা মাটি জুৰি ১২০ ফুট উচ্চতাৰ তিনি মহলযুক্ত অসমৰ ভিতৰতে সৰ্ববৃহৎ এটি বৌদ্ধ মন্দিৰ নিৰ্মাণ হৈ আছে । পদ্মামণি চেৰিটেবুল ষ্টাচ নামৰ নিৰ্মাণ প্ৰতিষ্ঠানটোৱে নিৰ্মাণ কৰি থকা এই মন্দিৰৰ কাম ইতিমধ্যে প্ৰায় ৮০ শতাংশ কাম সম্পূৰ্ণ হৈ উঠিছে । এই বৌদ্ধ মন্দিৰৰ চৌহদত থাকিব স্কুল , চিকিৎসালয় , অত্যাধুনিক ৰূপত এখন গাৰ্ডেন । নিঃসন্দেহে মালিনী থানৰ পাছতে চিলাপথাৰত পৰ্যটকৰ আকৰ্ষণৰ অন্যতম এক কেন্দ্ৰবিন্দু হৈ পৰিৱ এই মন্দিৰ । অসমৰ পৰ্যটন ক্ষেত্ৰখনলৈ এই মন্দিৰে নিশ্চয় অৱদান আগবঢ়াৱ ।