যোগ সংস্থাৰ তত্ত্বাৱধানত.শোনিতপুৰ জিলা যোগ সন্থাৰ উদ্যোগত তেজপুৰৰ ঐতিহ্যমণ্ডিত বান থিয়েটাৰত অনুষ্ঠিত ২৫ সংখ্যক ৰাজ্যিক যোগাসন ক্ৰীড়া প্ৰতিযোগিতাত দৰং জিলাৰ দলটিয়ে সফলতাৰ ধাৰা অব্যাহত ৰাখিছে ৷  প্ৰতিযোগিতাত  লৰা-ছোৱালী উভয়েৰে ছাব-জুনিয়ৰ আৰু  জুনিয়ৰ শাখাত যোগাসন, আৰ্টিষ্টিক, ৰিথমিক, ফ্ৰী-ফ্ল' যোগা ডান্স , টেডিশ্যনেল যোগা আদি প্ৰতিযোগিতা অনুষ্ঠিত হয় ।  দৰং জিলা যোগ সন্থাৰ সম্পাদক ভাৰ্গব কলিতা আৰু সুমন ৰাজৱংশীৰ নেতৃত্বত যোৱা দৰং জিলাৰ দলটিয়ে তৃতীয় শ্ৰেষ্ঠ দলৰ বঁটা লাভ কৰি জিলা খনলৈ গৌৰৱ কঢ়িয়াই আনিছে ৷ দৰঙৰ দলটিয়ে এটা সোণ, তিনিটা ৰূপ আৰু ১৩টা বঞ্জ মেডেল পাবলৈ সক্ষম হয় ৷ দৰং জিলাৰ হৈ প্ৰতিনিধিত্ব আগবঢ়োৱা প্ৰতিশ্ৰুতি যোগ আৰু নৃত্য প্ৰশিক্ষণ কেন্দ্ৰৰ প্ৰতিযোগীসকলে দেখুওৱা সফলতাৰ বাবে প্ৰশিক্ষণ কেন্দ্ৰটিৰ প্ৰশিক্ষক তথা অভিভাৱক সকলে সন্তোষ প্ৰকাশ কৰে।