সংবাদদাতা, টংলাঃ যি সকল শিক্ষক বা সমাজ সেৱকে নৱ প্ৰজন্মৰ কাৰণে যি অৰিহণা আগবঢ়াই আহিছে সেই সকল ব্যক্তিক তেওঁলোকৰ জীৱন পৰিক্ৰমাৰ ভিত্তিত মহাশয় প্ৰকাশন পৰিষদ অসমমে বিভিন্ন সময়ত বঁটা প্ৰদান কৰি আহিছে। সেই সূত্ৰে এইবাৰ বঁটা লাভ কৰে অসমৰ বিভিন্ন ঠাইৰ বিশেষ ব্যক্তি সকলে। এই বেলি ওদালগুৰি জিলাৰ সমাজ কৰ্মী তথা শিক্ষক সফল অভিভাৱকক মহাশয় প্ৰকাশন পৰিসদ অসম আৰু সাহিত্য সাংস্কৃতিক সেৱা মঞ্চই হৰেশ্বৰ কলিতাক সুগন্ধি কবি হীৰেন ভট্টাচাৰ্য আৰু অসম গৌৰৱ সন্মান বঁটা, অৰ্পণা হাজৰিকা শইকীয়াক ডঃ মামণি ৰয়ছম গোস্বামী স্মৃতি সাহিত্য সুৰভি বঁটা আৰু অসম গৌৰৱ সন্মান বঁটা, সুগন্ধি কবি হীৰেন ভট্টাচাৰ্য বঁটা আৰু দুৰ্গাধৰ কুমাৰক সাহিত্য সাংস্কৃতি সমাজৰ বাবে কৃতি লাভ কৰাত ডঃ ভূপেন হাজৰিকা স্মৃতিৰ শিল্পী সুৰভি বঁটা ঘোষণা কৰে। উক্ত বঁটা সমূহ অহা ১০ছেপ্টেম্বৰত নগাঁৱত অনুষ্ঠিত হব লগা ৰাজহুৱা সভাত বঁটা প্ৰদান কৰা হব বুলি মহাশয় প্ৰকাশন পৰিষদ অসমৰ সম্পাদক মৃদুল শইকীয়াই জানিবলৈ দিয়ে।