১০৯ নং বিহপুৰীয়া বিধানসভা সমষ্টিৰ বিধায়ক অমিয় কুমাৰ ভূঞাৰ উদ্যোগত আৰু বিধায়কৰ শিক্ষা উন্নয়ণ সমিতিৰ আৰু  মাধৱদেৱ বিশ্ববিদ্যালয়ৰ পৰিয়ালৰ সহযোগত নাৰায়ণপুৰস্থিত মাধৱদেৱ বিশ্ববিদ্যালয়ৰ প্ৰেক্ষাগৃহত অনুষ্ঠিত হয় এখন শৈক্ষিক অভিবৰ্তন ৷ নিম্ন প্ৰাথমিক , উচ্চ প্ৰাথমিক , মজলীয়া উচ্চ উচ্চতৰ মহাবিদ্যালয় আৰু মাধৱদেৱ বিশ্ববিদ্যালয়ৰ প্ৰধানসকলৰ লগতে পৰিচালনা তথা উন্নয়ণ সমিতিৰ সভাপতিসকলক লৈ অনুষ্ঠিত হয় অভিবৰ্তন খন ৷ সমষ্টিটোৰ শিক্ষানুষ্ঠান খনৰ সকলো সমস্যা সমাধান আৰু শৈক্ষিক পৰিৱেশ উন্নত কৰাৰ বাবে অভিবৰ্তন খনত আলোচনা কৰা হয় ৷ অভিবৰ্তন খনত লখিমপুৰ জিলা উপায়ুক্ত সুমিত সাত্তাৱন , বিশ্ববিদ্যালয়ৰ উপাচাৰ্য ড° দিবাকৰ চন্দ্ৰ ডেকা , লখিমপুৰ জিলা বিদ্যালয়সমুহৰ পৰিদৰ্শক ড° ৰমেশ চন্দ্ৰ চুতিয়াকে প্ৰমুখ্যে কেইবাজনো বিশিষ্ট ব্যক্তি উপস্থিত থাকি অভিবৰ্তন খন সাফল্যমণ্ডিত কৰি তোলে ৷