ગુંડાઓ દ્વારા ધમકીઓનો સિલસિલો બંધ થવાનું નામ નથી લઈ રહ્યો. હવે મનોરંજન ઉદ્યોગ ગુંડાઓના નિશાના હેઠળ આવી ગયો છે. વાસ્તવમાં, એક ફિલ્મ પ્રોડ્યુસરને પણ ગુંડાઓ તરફથી ધમકીભર્યા ફોન આવી રહ્યા છે. પ્રાપ્ત માહિતી અનુસાર, પોલીવુડ ઈન્ડસ્ટ્રીના એક પ્રોડ્યુસરને ગેંગસ્ટર ગોલ્ડી બ્રારના નામે ધમકીભર્યા કોલ આવી રહ્યા છે.

સુત્રો પાસેથી મળતી માહિતી મુજબ ગેંગસ્ટર ગોલ્ડી બ્રારે પ્રોડ્યુસરને ફોન કરીને ખંડણીની માંગણી કરી છે. ગેંગસ્ટરે તેની પાસેથી 1 કરોડની ખંડણી માંગી છે. માહિતી આપતા નિર્માતા મોહિતે જણાવ્યું કે તેમને એક વોટ્સએપ કોલ આવ્યો હતો. તેણે કોલ ઉપાડ્યો ત્યારે સામેથી કોઈએ કહ્યું કે ગેંગસ્ટર ગોલ્ડી બ્રાર બોલી રહ્યો છે. તેમજ 1 કરોડની ખંડણી માંગી હતી. જો ખંડણી નહીં આપે તો જાનથી મારી નાખવાની ધમકી પણ આપી હતી. તેણે તરત જ આ અંગે પોલીસને જાણ કરી. આ મામલાની માહિતી મળતા જ પોલીસે ગુનો નોંધ્યો હતો. પોલીસે મોહિતનું નિવેદન નોંધીને તપાસ શરૂ કરી છે.