সদ্যঘোষিত উচ্চ মাধ্যমিক শিক্ষান্ত পৰীক্ষা আৰু উচ্চতৰ মাধ্যমিক চূড়ান্ত পৰীক্ষাত সুখ্যাতিৰে উত্তীৰ্ণ হৈ বৃহত্তৰ লাকুৱা অঞ্চললৈ গৌৰৱ কঢ়িয়াই অনা ছাত্ৰ-ছাত্ৰী সকলক সম্বৰ্ধনা জনোৱাৰ উদ্দেশ্যে আজি লাকুৱাত এক বিশেষ অভিনন্দন অনুষ্ঠানৰ আয়োজন কৰা হয়। লাকুৱা আঞ্চলিক ছাত্ৰ সন্থাৰ উদ্যোগত অনুষ্ঠিত হয় এই অনুষ্ঠানৰ। লাকুৱা সৃজনী প্ৰেক্ষাগৃহত অনুষ্ঠিত হোৱা বিশেষ অভিনন্দন অনুষ্ঠানত উচ্চ আৰু উচ্চতৰ মাধ্যমিক চূড়ান্ত পৰীক্ষাত সুখ্যাতিৰে উত্তীৰ্ণ ৯৭ গৰাকী ছাত্ৰ-ছাত্ৰীক অভিনন্দন জনায় লাকুৱা আঞ্চলিক ছাত্ৰ সন্থাই। অনুষ্ঠানত সদৌ অসম ছাত্ৰ সন্থাৰ কেন্দ্ৰীয় বিষয়ববীয়াৰ লগতে কেইবাগৰাকীও বিশিষ্ট শিক্ষাব্ৰতী তথা বিভিন্ন আঞ্চলিক ছাত্ৰ সন্থাৰ নেতৃত্বই বিশিষ্ট অতিথি হিচাপে উপস্থিত থাকে।