আগন্তুক দিনত অসম চৰকাৰৰ তৃতীয় আৰু চতুৰ্থ বৰ্গৰ চাকৰি লাভৰ সুবিধাৰ্থে বিহপুৰীয়া সমষ্টিৰ বিধায়ক অমিয় কুমাৰ ভূঞা আৰু বিধায়কৰ দক্ষতা বিকাশ সমিতিৰ সহযোগত বিহপুৰীয়া সমষ্টিত এক জুলাই পৰা এমহীয়া প্ৰশিক্ষণ কৰ্মশালা অনুষ্ঠিত হৈছে ৷ সমষ্টিটোৰ সামৰি  শিমলুগুৰি উচ্চতৰ মাধ্যমিক বিদ্যালয় ,  ধলপুৰ উচ্চতৰ মাধ্যমিক বিদ্যালয় , নাৰায়ণপুৰ উচ্চতৰ মাধ্যমিক বিদ্যালয় , লোহিত ডিক্ৰং উচ্চতৰ মাধ্যমিক বিদ্যালয় , পুৱ ডিক্ৰং মহাবিদ্যালয় আৰু শংকৰদেৱ মহাবিদ্যালয় এই ছয় স্থানত সপ্তাহটোৰ দেওবাৰ বাদ দি অনুষ্ঠিত হৈছে এই প্ৰশিক্ষণ ৷ সমষ্টিটোৰ অভিজ্ঞতা সম্পন্ন ব্যক্তি আৰু  অৱসৰপ্ৰাপ্ত শিক্ষক , শিক্ষাবিদে প্ৰশিক্ষণ প্ৰদান কৰিছে ৷