দেশৰ বিভিন্ন প্ৰান্তৰ সমান্তৰালভাৱে নাৰায়ণপুৰতো নেপালীসকলে আজি পালন কৰিছে তীজ উৎসৱ ৷ নেপালী তথা গোৰ্খা মহিলা জীয়াৰী আৰু বোৱাৰীসকলে আজি পুৱাৰে পৰা হৰিতালিকা ব্ৰত পালন কৰি বিয়লিৰে পৰা হৰ-গৌৰিক পুজা অৰ্চনা কৰে ৷ পত্নীয়ে স্বামীৰ দীৰ্ঘায়ু আৰু সুস্বাস্থ্যৰ বাবে আৰু জীয়াৰীসকলে মনপচন্দৰ বৰ লাভ কৰিবৰ বাবে এই পুঁজা কৰে ৷ নাৰায়ণপুৰৰ বিভিন্ন প্ৰান্তৰ লগতে চামগুৰি গাঁৱতো এই উৎসৱ পালন কৰা হয় ৷ গাঁৱসমুহত সমুহীয়াকৈ আৰু বহুতে পৰিয়ালৰ মাজত এই উৎসৱ পালন কৰে ৷ পুঁজাৰ অন্তত নেপালীসকলৰ লোকবাদ্য পৰিৱেশন কৰি নাচ গান কৰাৰ অন্তত অন্ন গ্ৰহণ কৰাৰ  পাছত সামৰণি পৰিব এই উৎসৱ ৷