কাকপথাৰত সংগীত বিদ্যালয়ৰ শুভ উদ্বোধন।কাকপথাৰ ডিৰাক অঞ্চলৰ সীমান্তৱৰ্তী সোণজান গাঁৱত যোৱা ২৮ আগষ্ট ২০২২ তাৰিখে উদ্বোধন কৰা হয় এখনি সংগীত বিদ্যালয় ৷ সোণজান সংগীত বিদ্যালয় নামৰ সংগীতৰ শিক্ষা প্ৰতিষ্ঠানটি নতুন প্ৰজন্মৰ সুবিধাৰ্থে প্ৰতিষ্ঠা কৰা হয় বুলি উদ্যোক্তাসকলে জানিবলৈ দিছে ৷ অঞ্চলটোৰ কৰ্মোদ্যমী ব্যক্তি মনোৰঞ্জন নেওগ আৰু বাস্তৱ মৰাণৰ তত্ত্বাৱধানত গঢ় দিয়া প্ৰতিষ্ঠানটিৰ উদ্বোধনী অনুষ্ঠানত কেইবাগৰাকী সংগীতৰ লগত জড়িত ব্যক্তিৰ উপৰি স্থানীয় ৰাইজ উপস্থিত থাকে ৷ অঞ্চলটোৰ এগৰাকী সংগীত সংগঠক, সংগীত বিশাৰদ কিৰন মহন্ত, সদৌ মৰাণ ছাত্ৰ সন্থাৰ প্ৰাক্তন সভাপতি ভূলেন বৰুৱা, গীটাৰিষ্ট বুটন দোৱৰা, ধনজিৎ মহন্ত আদি ব্যক্তিসকলে অনুষ্ঠানটিৰ উদ্বোধনী অনুষ্ঠানটিত অংশগ্ৰহণ কৰি শোভাবৰ্ধন কৰে ৷ লগতে আগ্ৰহী সংগীত শিকাৰো সকলক প্ৰতিষ্ঠানটিলৈ আহি যোগাযোগ কৰিবৰ বাবে আহ্বান জনাইছে উদ্যোগতা সকলে।