অসম সাহিত্য সভাৰ আগন্তুক ষষ্ঠসপ্ততিতম  নাৰায়ণপুৰ অধিৱেশনৰ লগত সংগতি ৰাখি আজি নাৰায়ণপুৰ শাখা সাহিত্য সভাৰ এটা স্থায়ী কাৰ্যালয়ৰ শিলান্যাস কৰা হয় ৷ নাৰায়ণপুৰ নগৰৰ এক নম্বৰ ৱাৰ্ডত নিৰ্মাণ হ’বলগীয়া স্থায়ী কাৰ্যালয়টোৰ শিলান্যাস কৰে অসম সাহিত্য সভাৰ নাৰায়ণপুৰ অধিৱেশনৰ আদৰণি সমিতিৰ সভাপতি তথা বিধায়ক অমিয় কুমাৰ ভূঞাই ৷ শিলান্যাস কৰি বিধায়কগৰাকীয়ে কয় কাৰ্যালয়টোৰ জৰিয়তে দীৰ্ঘদিনীয়া অভাৱ এটা পুৰন হোৱাৰ সমান্তৰালভাৱে অধিৱেশনৰ কাম কাজ কৰাত সুবিধা হ’ব ৷ অহা ডিচেম্বৰ মাহৰ ভিতৰত সম্পূৰ্ণ হ’ব কাৰ্যালয়টো ৷ ইয়াৰ বাবে প্ৰথম পৰ্যায়ত মুখ্যমন্ত্ৰী হিমন্তবিশ্ব শৰ্মাই মোকোলাই দিছে পঞ্চাশ লাখ টকা ৷