পুনৰ ৰাষ্ট্ৰীয় পৰ্যায়ত উজ্বলিল সোণাৰিৰ বোৱাৰী পূৰ্ণিমা দিহিঙ্গীয়া। মুম্বাইত অনুষ্ঠিত মিষ্টাৰ আৰু মিছেছ এছ ডি ইউনিভাৰ্চ প্ৰতিযোগিতাত খিতাপ অৰ্জন সোণাৰিৰ বোৱাৰী গৰাকীৰ। যোৱা ২৫ আৰু ২৬ আগষ্টত Sky Plus Multimedia & sadak productionৰ বেনাৰত অনুষ্ঠিত হোৱা প্ৰতিযোগিতাখনৰ মিছেছ এছ ডি ইউনিভাৰ্চ শাখাত বিজয়ী হৈ সোণাৰিলৈ গৌৰৱ কঢ়িয়াই আনিছে পূৰ্ণিমাই। উল্লেখ্য যে এগৰাকী বোৱাৰী হৈ ঘৰ তথা পৰিয়ালৰ নিত্যনৈমিত্তিক কৰ্মত ব্যস্ত থকাৰ মাজতে সৌন্দৰ্য প্ৰতিযোগিতাত অংশগ্ৰহণ কৰি বিগত সময়তো বহু কেইটা ৰাজ্যিক তথা ৰাষ্ট্ৰীয় পৰ্যায়ৰ প্ৰতিযোগিতাত অংশগ্ৰহণ কৰি গৌৰৱ কঢ়িয়াই আনিছিল সোণাৰিৰ এইগৰাকী বোৱাৰীয়ে।