তিনিচুকীয়াৰ পেঙেৰীত ভয়ংকৰ ঘটনা ।
পেঙেৰীৰ টেকেৰীত মাৰাত্মক নিচাযুক্ত ড্ৰাগছৰ বেজি লৈ কৰুণ মৃত্যু এগৰাকী নৱম শ্ৰেণীৰ ছাত্ৰৰ ।
একাংশ সতীৰ্থৰ সৈতে একেলগে ড্ৰাগছৰ অত্যাধিক বেজি লৈ হঠাৎ অচেতন হৈ পৰে নৱম শ্ৰেণীত অধ্যয়ন কৰি থকা ছাত্র গৰাকী ।
লগে লগে পৰিয়ালৰ লোকে ছাত্ৰ জনক চিকিৎসালয়ত ভৰ্ত্তি কৰে যদিও চিকিৎসালয়তে মৃত্যু হয় ছাত্ৰ জনৰ ।
ছাত্ৰজনৰ মৃত্যুৰ পিছতে অঞ্চলজুৰি তীব্ৰ উত্তেজনাৰ সৃষ্টিৰ লগতে ক্ষোভিত হৈ পৰিছে অঞ্চলটোৰ পুৰুষ-মহিলা ।
দেওবাৰে অঞ্চলবাসী ৰাজপথলৈ উলাই আহি অঞ্চলটোৰ পৰা ড্ৰাগছ , কানি, সুৰা আদি নিচাযুক্ত সমগ্রী উৎখাতৰ দাবীৰে সাব্যস্ত কৰে তীব্ৰ প্ৰতিবাদ ।
ইফালে অঞ্চলবাসীৰ প্ৰতিবাদৰ পিছতে টেকেৰীত উপস্থিত হৈ পেঙেৰী আৰক্ষীয়ে অভিযান চলাই যথেষ্ট পৰিমাণৰ সুৰা জব্দ কৰি কেইবাজনকো সোধা-পোছাৰ বাবে আটক কৰিছে ।
