IPL আৰম্ভ হোৱাৰ পূৰ্ৱেই তিনিচুকীয়াত জিলা আৰক্ষী অধীক্ষক দেৱজিৎ দেউৰীৰ নিৰ্দেশত চলিছে অনলাইন ক্ৰিকেট জোৱাৰীৰ বিৰুদ্ধে অভিযান ৷ শনিবাৰে তিনিচুকীয়াৰ ডুমডুমাত আৰক্ষীয়ে অভিযান চলাই চাৰি ক্ৰিকেট জোৱাৰীক আটক কৰে ৷ আটকাধীন চাৰিগৰাকী ক্ৰমে বাপন সেন, উপেন্দ্ৰ পণ্ডিত, পিন্টু পণ্ডিত আৰু আমিনুল ইছলাম বুলি জানিব দিয়ে ডুমডুমা আৰক্ষী থানাৰ ভাৰপ্ৰাপ্ত আৰক্ষী বিষয়াই ৷ আটাইকেইগৰাকীক আৰক্ষীয়ে অধিক তথ্যৰ সন্ধানত জেৰা অব্যাহত ৰখাৰ লগতে উক্ত চক্ৰৰ স’তে জৰিত মূল ব্যক্তিৰ বিৰুদ্ধে অভিযান অব্যাহত ৰাখিছে ৷