২৬ আগষ্ট তাৰিখে মাজুলী জিলাৰ উপায়ুক্তৰ কাৰ্যালয়ৰ সভাকক্ষত অনুষ্ঠিত এখন সভাত ২ নং মাজুলী (অনুসূচিত জনজাতি) দেউৰী স্বায়ত্ত শাসিত পৰিষদৰ সমষ্টিৰ নিৰ্বাচনৰ ফটোযুক্ত খচৰা ভোটাৰ তালিকাৰ বিশেষ সংক্ষিপ্ত সংশোধনীৰ খচৰা হিচাপে প্ৰকাশ কৰা হয়। ভোটাৰ সকলৰ সুবিধাৰ্থে জিলাৰ অন্তৰ্ভুক্ত সকলোবোৰ বিষয়াৰ কাৰ্যালয়, সকলো ভোট-গ্ৰহণ কেন্দ্ৰত আৰু নিৰ্বাচক পঞ্জীয়ন বিষয়াৰ কাৰ্যালয়ত এই ভোটাৰ তালিকা চাব পাৰিব। যদিহে খচৰা তালিকাত নাম অৰ্ন্তভুক্তৰ ক্ষেত্ৰত কোনো ভোটাৰৰ দাবী বা আপত্তি থাকে তেনে ক্ষেত্ৰত ইংৰাজী ২৬/০৮/২০২২ তাৰিখৰ পৰা ১২/০৯/২০২২ তাৰিখৰ ভিতৰত নিৰ্বাচক পঞ্জীয়ন বিষয়াৰ কাৰ্যালয়ত অভিযোগ দাখিল কৰিব পাৰিব। প্ৰত্যেকটো দাবী বা আপত্তি নিৰ্বাচক পঞ্জীয়ন বিষয়াৰ কাৰ্যালয়ত দাখিল কৰিব পাৰিব বা প্ৰত্যেক ভোট গ্ৰহণ কেন্দ্ৰৰ বাবে নিয়োজিত বি এল অ আৰু সহকাৰী নিৰ্বাচক বিষয়ালৈ ডাক যোগে পঠাব পাৰিব যাতে উক্ত তাৰিখ পাৰ নহওঁতেই নিৰ্বাচক পঞ্জীয়ন বিষয়াৰ কাৰ্যালয় পায়হি। ঠিকনা হৈছে ড° ভৰত কোঁৱৰ, নিৰ্বাচক পঞ্জীয়ন বিষয়া, ডাক গড়মূৰ সত্ৰ মাজুলী -৭৮৫১০৪|