লখিমপুৰ জিলা প্ৰশাসন তথা শিক্ষা বিভাগৰ নিৰ্দেশ অনুসৰি আজি বিভিন্ন অনুষ্ঠানৰ সমান্তৰালভাৱে দেশভক্তি দিৱসটি লালুকৰ অগ্ৰনী শিক্ষানুষ্ঠান লালুক জ্যেষ্ঠ মাধ্যমিক বিদ্যালয়তো উদ্‌যাপন কৰা হয়৷ শিক্ষানুষ্ঠান খনত আজি পুৱা ৯-৪৫ বজাত শিক্ষক শিক্ষয়িত্ৰী, কাৰ্যালয়ৰ কৰ্মচাৰী আৰু ছাত্ৰছাত্ৰী সকল সমবেত হৈ এই দিৱস উদ্‌যাপন কৰা হয়৷ কাৰ্যসূচীত দেশভক্ত তৰুন ৰাম ফুকনৰ প্ৰতিছব্বিত বন্তি প্ৰজ্বলন কৰে শিক্ষানুষ্ঠানৰ জ্যেষ্ঠ শিক্ষক অচিন্ত্য শইকীয়াই৷ দেশভক্ত তৰুন ৰাম ফুকনৰ প্ৰতিছব্বিত শ্ৰদ্ধাঞ্জলি অনুষ্ঠানৰ শুভাৰম্ভনী কৰে শিক্ষানুষ্ঠানৰ জ্যেষ্ঠ শিক্ষয়িত্ৰী ৰুমী দেৱীয়ে৷ শিক্ষানুষ্ঠানৰ শিক্ষক শিক্ষয়িত্ৰী, কাৰ্যালয়ৰ কৰ্মচাৰী, ছাত্ৰছাত্ৰী সকলে বন্তি প্ৰজ্বলন কাৰ্যসূচীত অংশ গ্ৰহন কৰে৷ অনুষ্ঠানত শিক্ষানুষ্ঠানৰ ইংৰাজী বিভাগৰ শিক্ষক গোলাপ বৰুৱাই দেশভক্তি দিৱসৰ তাৎপৰ্য বাখ্যা কৰাৰ লগতে দেশভক্ত তৰুনৰাম ফুকনৰ জীৱন দৰ্শন আৰু কৰ্মৰাজিৰ সন্দৰ্ভত বক্তব্য আগবঢ়ায়৷ অনুষ্ঠানত শিক্ষানুষ্ঠানৰ শিক্ষক ক্ৰমে মুহিধৰ শৰ্মা, হেমন্ত শইকীয়া, যাদৱ বৰা, জয়ন্ত শইকীয়া, কুসুম শইকীয়া, ৰুনু বৰুৱা, সুশান্ত কুমাৰ বৰদলৈকে ধৰি সকলো শিক্ষক শিক্ষয়িত্ৰী, কৰ্মচাৰী,ছাত্ৰছাত্ৰীকে ধৰি পৰিয়াল বৰ্গ উপস্থিত থাকে৷