বিহপুৰীয়া সমষ্টিৰ বিধায়ক অমিয় কুমাৰ ভূঞাই আজি সমষ্টিটোৰ অন্তৰ্গত ক্ৰীড়া সন্থা আৰু ক্লাৱৰ মাজত ক্ৰীড়া সামগ্ৰী বিতৰণ কৰে ৷ বিধায়কৰ সেৱা সদনত বিধায়ক ক্ৰীড়া সমিতিৰ সভাপতি মুকুল হাজৰিকাৰ সভাপতিত্বত অনুষ্ঠিত এক সভাৰ জৰিয়তে সমষ্টিটোৰ ২৭ টা ফুটবল ক্লাব আৰু ২৭ টা ভলীবল ক্লাবক ক্ৰীড়া সামগ্ৰী প্ৰদান কৰে ৷ ফুটবল ক্লাবৰ প্ৰতিটোকে দুটাকৈ ফুটবল আৰু ভলীবল ক্লাবক দুটাকৈ ভলীবল আৰু একোখন নেট প্ৰদান কৰা হয় ৷ জয়ন্ত কাকতিয়ে আঁত ধৰা অনুষ্ঠানত জিলা পৰিষদ সদস্যা দীপালি বনিয়া , নাৰায়ণপুৰ পৌৰসভাৰ উপপৌৰপতি বিৰাজ ভূঞা , ক্ৰীড়া সংগঠন প্ৰবীন শইকীয়া প্ৰমুখ্যে বহুকেইজন লোক উপস্থিত থাকে ৷