সোণাৰি পৌৰসভাৰ অন্তৰ্গত নলা-নৰ্দমাবোৰ নিষ্কাষণ নকৰাৰ বাবেই কৃত্ৰিম বান পৰিস্থিতিৰ সৃষ্টি হোৱা বুলি অভিযোগ উত্থাপন কৰিছে পৌৰবাসীয়ে। বুধবাৰে উদ্ভৱ হোৱা কৃত্ৰিম বান পৰিস্থিতি সন্দৰ্ভত মন্তব্য প্ৰকাশ কৰি এগৰাকী নাগৰিকে কয় যে পোৰসভাৰ একাংশ বাসিন্দাৰো দোষ আছে এই ক্ষেত্ৰত। নলা-নৰ্দমাসমূহত একাংশ লোকে প্লাষ্টিক আদি জাবৰ-জোথৰসমূহ পেলোৱাৰ ফলত পানী ওলাই যাব নোৱাৰে আৰু তাৰ ফলত নিজেই সমস্যাৰ সন্মুখীন হৈছে।