জলজীৱন মিছন আঁচনি সন্দৰ্ভত মৰিগাঁৱত এদিনীয়া কৰ্মশালা। জনস্বাস্থ্য কাৰিকৰী বিভাগ, মৰিগাঁও সংমণ্ডলৰ উদ্যোগত জলজীৱন মিছন আঁচনিৰ জড়িয়তে গাঁৱ অঞ্চলৰ প্ৰতিঘৰ মানুহে ৫৫ লিটাৰকৈ বিশুদ্ধ খোৱা পানী পোৱা, আঁচনিখনৰ কামকাজৰ তদাৰকী , পৰিচালনা আৰু দীৰ্ঘম্যাদী কৰাৰ বাবে জনসাধাৰণৰ সহায় সহযোগিতা আদি কৰি আঁচনি খন সফল ৰূপায়ন কৰা সন্দৰ্ভত অসম জীবিকা অভিযানৰ CLF, VO আৰু আত্মসহায়ক গোটৰ সদস্যা সকলৰ মাজত এদিনীয়া কৰ্মশালা অনুষ্ঠিত হয়।উক্ত কৰ্মশালাত জনস্বাস্থ্য কাৰিকৰী বিভাগ মৰিগাঁও সংমণ্ডলৰ কাৰ্যবাহী অভিযন্তা তথা দিলীপ কাকতি, সহকাৰী কাৰ্যবাহী অভিযন্তা দিবেশ চন্দ্ৰ ৰায় মেধি, সহকাৰী কাৰ্যবাহী অভিযন্তা (কাৰীকৰি) মহাদেৱ ডেকা, ASLRMৰ জিলা প্ৰকল্প প্ৰৱন্ধক ধীৰাজ নাথৰ লগতে জনস্বাস্থ্য কাৰিকৰী বিভাগ মৰিগাঁও সংমণ্ডলৰ বহুকেইজন বিষয়া আৰু কৰ্মচাৰীয়ে অংশগ্ৰহণ কৰে।