बीड(प्रतिनिधी):-महाकवी वामनदादा कर्डक जन्मशताब्दी वर्षानिमित्त दि.२७ ऑगस्ट रोजी वामनदादा कर्डक यांचा अस्तीकलश बीड शहरात येणार असल्याची माहिती महाकवी वामनदादा कर्डक जन्मशताब्दी महोत्सव समिती बीडचे अध्यक्ष प्रा.शरद वंजारे दिली आहे.
आंबेडकरी चळवळीचे गायक तथा प्रबोधनकार वामनदादा कर्डक यांच्या जन्मशताब्दी वर्षानिमित्त दिनांक २७ ऑगस्ट रोजी सकाळी ८ वाजता अभिवादन रॅलीचे आयोजन करण्यात आले आहे. अभिवादन रॅलीमध्ये वामनदादा कर्डक यांचा अस्तीकलश ठेवण्यात येणार आहेत. डॉ.बाबासाहेब आंबेडकर पुतळा ते डॉ.बाबासाहेब आंबेडकर सामाजिक न्याय भवन असा रॅलीचा मार्ग आहे. दुपारी ३ ते रात्री १० वाजेपर्यंत हा अस्तीकलश यशवंतराव चव्हाण नाट्यगृह बीड येथे ठेवण्यात येणार असून सर्व समाज बांधवांनी याची नोंद घ्यावी असे आवाहन महाकवी वामनदादा कर्डक जन्मशताब्दी महोत्सव समिती बीडचे अध्यक्ष प्रा.शरद वंजारे यांनी केले आहे.
