ৰঙিয়া জিলা ক্ৰীড়া সন্থাৰ উদ্যোগত ৰঙিয়া মহাবিদ্যালয় খেলপথাৰত চলি থকা 'বি' ডিভিজন ফুটবল লীগৰ আজিৰ উত্তেজনাপূৰ্ণ প্ৰথম ছেমিফাইনেলত অলংবাৰ ক্ৰীড়া সন্থাই পীতাম্বৰৰ বাৰদৈ ক্লাৱক ৩ — ০ গ'লত পৰাস্ত কৰি ফাইনেলত প্ৰৱেশ কৰে। কাইলৈ দ্বিতীয় ছেমিফাইনেলত অৱতীৰ্ণ হব ৰঙিয়া এফ চিৰ বিৰুদ্ধে পূব বাৰংহাটী ফুটবল ক্লাবে । আজিৰ ছেমিফাইনেল খেলখন উদ্বোধন কৰে ৰঙিয়া - কমলপুৰ জলসিঞ্চন সংমণ্ডলৰ সহকাৰী অভিযন্তা আব্দুল মজিদে। খেলখন পৰিচালনা কৰে ৰেফাৰী আনচাৰ উদ্দিন আহমেদ, বাহাৰুল ইছলাম, জয়ন্ত মাধৱ দাস আৰু পহৰেদ আলী আহমেদে ।