देशी दारूचा अवैधरित्या बॉक्स घेऊन विक्रीसाठी नेणाऱ्या एकावर शिऊर पोलिसांनी कारवाई केली.या कारवाईत दारूचा बॉक्स जप्त करण्यात आला आहे.शिऊर पोलीस ठाणे हद्दीतील वडजी शिवारातील येवला चौफुली येथे देशी दारूचा बॉक्स वाहतूक करणारा येणार असल्याची माहिती शिऊर पोलिसांना मिळाली.त्यानुसार मंगळवारी (ता. २३) रोजी दुपारी तीनच्या सुमारास सपोनि संदीप पाटील यांच्या मार्गदर्शनाखाली फौजदार अंकुश नागटिळक, सहायक फौजदार आर आर जाधव व विशाल पैठणकर यांनी वडजी ते राहडी रस्त्यावरील येवला चौफुली जवळ श्रावण संजय राऊत (रा. येवला) यास बॉक्ससह ताब्यात घेतले. त्याच्याकडे ३८४० रुपयांचा देशी दारूचा बॉक्स आढळून आल्याने त्याच्या विरोधात शिऊर पोलीस ठाण्यात गुन्हा नोंद करण्यात येऊन मुद्देमाल जप्त करण्यात आला.