অত্যাৱশ্যকীয় সামগ্ৰীৰ মূল্য বৃদ্ধিৰ বিৰুদ্ধে সৰৱ হৈ পৰিছে কংগ্ৰেছ। বুধবাৰে ছত্তীছগঢ়ৰ বিধায়ক তথা অসম প্ৰদেশ কংগ্ৰেছৰ তত্বাৱধায়ক বিকাশ উপাধ্যায় শিৱসাগৰত উপস্থিত হৈ গ্ৰাহক আৰু বিক্ৰেতা সকলৰ সৈতে মত বিনিময় কৰে।

লগতে হাতে হাতে প্লে কাৰ্ড, বেনাৰ, গেছ চিলিণ্ডাৰ লৈ চৰকাৰৰ বিৰুদ্ধেও সৰৱ হৈ পৰে কংগ্ৰেছ নেতা গৰাকী। এ পি চি চিৰ তত্বাৱধায়ক গৰাকীয়ে শিৱসাগৰ কেন্দ্ৰীয় বজাৰৰ দোকানে দোকানে ভ্ৰমণ কৰি মত বিনিময় কৰে গ্ৰাহক তথা বিক্ৰেতা সকলে। সমান্তৰালকৈ কেন্দ্ৰীয় আৰু অসম চৰকাৰৰ সমালোচনাত মুখৰ হৈ পৰে।সকলো সামগ্ৰীৰে অত্যাধিক মূল্য বৃদ্ধিত জনসাধাৰণ জুৰুলা হৈছে। অথচ চকু মেল খোৱা নাই চৰকাৰৰ। চৰকাৰৰ চকু খোল খোৱাবলৈকে এই দেশজুৰি আমি এনে পদক্ষেপে লৈছোঁ।

এই মন্তব্য বিকাশ উপাধ্যায়ৰ। কাৰ্যসূচীত বিকাশ উপাধ্যায়ৰ উপৰিও অসম প্ৰদেশ যুৱ কংগ্ৰেছৰ সভানেত্ৰী অংকিতা দত্তসহ শিৱসাগৰ জিলা কংগ্ৰেছৰ বিষয়ববীয়া সকলে অংশগ্ৰহণ কৰে।