কাজিৰঙা ৰাষ্ট্ৰীয় উদ্যান কৰ্তৃপক্ষৰ উদ্যোগত সাদিনীয়া টুৰিষ্ট গাইডৰ প্ৰশিক্ষণ কাৰ্যসূচী।কাজিৰঙাৰ কহঁৰাত থকা পৰমানন্দ লাহন প্ৰেক্ষাগৃহত কাজিৰঙা ৰাষ্ট্ৰীয় উদ্যানৰ দাতিকাষৰীয়া অঞ্চলৰ নৱ প্ৰজন্মক পৰ্যটন ব্যৱসায়ৰ সৈতে জড়িত কৰি কৰ্মসংস্থাপন দিয়াৰ উদ্দেশ্যে এই প্ৰশিক্ষণ কাৰ্যসূচীৰ ব্যৱস্থা কৰা হৈছে।উল্লেখ্যে যে প্ৰতিবছৰে কাজিৰঙা দৰ্শনৰ বাবে আহে বহু সংখ্যক দেশী বিদেশী পৰ্যটক।কিন্তু প্ৰশিক্ষণপ্ৰাপ্ত অভিজ্ঞ টুৰিষ্ট গাইডৰ অভাৱৰ বাবে সমস্যাত পৰিবলগীয়া হয় পৰ্যটকসকল।এই প্ৰশিক্ষণে তেনে সমস্যা কিছু পৰিমাণে হলেও সমাধান কৰিব বুলি আশাবাদী উদ্যান কৰ্তৃপক্ষ।