নাৰায়ণপুৰ শিক্ষাখন্ডৰ অন্তৰ্গত শান্তিজ্যোতি উচ্চ মাধ্যমিক বিদ্যালয় বন্ধ ঘোষণা কৰিলে ৰাজ্যৰ শিক্ষা বিভাগে ৷ মেট্ৰিকত শূৰ্ণ্য ফল দেখুওৱা বিদ্যালয় খন বন্ধ ঘোষণাৰ খবৰ শুনি হুৱাদুৱা লাগিছে বিদ্যালয়খনত ৷ কাৰন ২০২১ চনত বিদ্যালয়খনত একত্ৰিকৰণ কৰা হৈছিল জয়পুৰ পিচলা উচ্চ মাধ্যমিক বিদ্যালয়ক ৷ তাৰোপৰি ২০১৭ চনত একত্ৰিকৰণ কৰা হৈছিল সমীপৰ অৰুনোদয় প্ৰাথমিক আৰু শান্তিজ্যোতি মধ্য ইংৰাজী বিদ্যালয়ক ৷ সম্প্ৰতি শান্তিজ্যোতি উঃমাঃ বিদ্যালয় বন্ধ হোৱাত কেউখন বিদ্যালয় একেলগে বন্ধ হৈ পৰিছে ৷ সম্প্ৰতি ১৪৬ গৰাকী ছাত্ৰ ছাত্ৰী অধ্যয়নৰত বিদ্যালয়খন বন্ধ হোৱাৰ ফলত পিচপৰা অঞ্চলটোৰ ছাত্ৰ ছাত্ৰীসকল শিক্ষাগ্ৰহণৰ ক্ষেত্ৰত চৰম অসুবিধাৰ সন্মুখীন হ’ব লাগিব ৷ যাৰবাবে শিক্ষাবিভাগক পুনৰ বাৰ বিবেচনাৰ বাবে আহ্বান জনাইছে শিক্ষকসকলৰ লগতে অভিভাৱকসকলে ৷ উল্লেখ্য যে জয়পুৰ পিচলাৰ মেট্ৰিকৰ ৰিজাল্ট এইবাৰ ৮০ শতাংশ উত্তীৰ্ণ হোৱাৰ বিপৰীতে শান্তিজ্যোতি উচ্চ মাধ্যমিক বিদ্যালয়ে শূৰ্ণ্য ফল প্ৰদৰ্শন কৰে ৷