জখলাবন্ধাৰ হস্পিতাল চাৰিআলিৰ বিজুস্মিতা হোটেলৰ বাৰান্দাত ঘপিয়াই থোৱা অৱস্থাত উদ্ধাৰ মৃতদেহ ।বিজুস্মিতা হোটেলৰ কৰ্মচাৰী আছিল মৃত পিতু দাস নামৰ ব্যক্তিজন ।পিতু দাস আৰু শংকৰ চৰকাৰৰ মাজত হোৱা কাজিয়াৰ ফলতেই সংঘটিত হয় উক্ত ঘটনাটো ।শংকৰ চৰকাৰ নামৰ ব্যক্তিজনে ঘটনা সংঘটিত কৰি পলায়ন কৰি আছে বুলি জানিবলৈ দিয়ে স্থানীয় আৰক্ষী বিষয়াগৰাকীয়ে ।কলিয়াবৰ মহকুমাৰ মহকুমাধিপতি পবিত্ৰ কুমাৰ দাসে মৃতদেহতো নিৰীক্ষণ কৰি জখলাবন্ধা আৰক্ষীৰ সহযোগত মৰণোত্তৰ পৰীক্ষাৰ বাবে নগাঁও চিকিৎসালয়লৈ প্ৰেৰণ কৰাৰ লগতে আৰক্ষীয়ে ঘটনা সংঘটিত কৰি পলায় থকা অভিযুক্ত শংকৰ চৰকাৰক বিচাৰি তদন্ত অব্যাহত ৰাখিছে বুলি সংবাদ মাধ্যমক জানিবলৈ দিয়ে ।