অসম গাঁওৰক্ষী বাহিনীৰ প্ৰতিষ্ঠাপক প্ৰয়াত হৰিনাৰায়ণ বৰুৱাৰ মৃত্যু তিথিৰ উপলক্ষে আজি মৰাণ আৰক্ষী থানাৰ অন্তৰ্গত গাঁওৰক্ষী বাহিনীয়ে গাঁওৰক্ষী কাৰ্যালয়ত হৰিনাৰায়ণ বৰুৱাৰ মৃত্যুতিথি উদযাপন আৰু গ্ৰন্থ উন্মোচনী সভা অনুষ্ঠিত কৰে। এই অনুষ্ঠানত মৰাণ সমষ্টিৰ বিধায়ক চক্ৰধৰ গগৈ,ডিব্ৰুগড়ৰ জিলাৰ অতিৰিক্ত আৰক্ষী অধীক্ষক, মৰাণ আৰক্ষী থানাৰ ভাৰপ্ৰাপ্ত আৰক্ষী বিষয়া বিজয় দৈমাৰী, অসম গৌৰৱ শিপিনী হেমপ্ৰভা চুতীয়া, মোহনলাল উপাধ্যায় লগেতে কেইবাগৰাকী বিশিষ্ট ব্যক্তিৰ উপস্থিতিত গ্ৰাম্য প্ৰহৰী নামৰ এখন গ্ৰন্থ উন্মোচন কৰে।