অসম সাহিত্য সভাৰ ষষ্ঠসপ্ততিতম পূৰ্ণাংগ নাৰায়ণপুৰ অধিৱেশনৰ প্ৰস্তুতি তথা অগ্ৰগতি সম্পৰ্কে আজি বুজ ল’লে মন্ত্ৰী ৰনোজ পেগুৱে ৷ অসম চৰকাৰৰ হৈ মন্ত্ৰী ৰনোজ পেগুৱে অধিৱেশন খনৰ অগ্ৰগতি সম্পৰ্কে বুজ ল’বলৈ আহি আদৰণি সমিতিৰে হোৱা সৌহাদ্যপূৰ্ণ বৈঠকত আহ্বান জনালে আগন্তুক অধিৱেশন খন প্লাষ্টিক মুক্ত কৰাৰ ৷ এবাৰ ব্যৱহাৰ যোগ্য কোনো প্লাষ্টিকৰ সামগ্ৰী ব্যৱহাৰ নকৰিবলৈ আহ্বান জনোৱাৰ লগতে অধিৱেশনৰ স্মৃতি ধৰি ৰাখিবলৈ এক বৃহৎ বৃক্ষৰোপন কাৰ্যসুচী আৰু সকলো সাহিত্যপ্ৰেমী লোকৰ আন্তৰিকতাৰে অংশগ্ৰহণ কৰিব পৰাকৈ সকলোৰে পৰা পাৰ্যমানে সহায় সহযোগিতা এই তিনিটা আহ্বান জনায় ৷ মন্ত্ৰীগৰাকীৰ আহ্বানৰ প্ৰতি আদৰণি সমিতিৰ হৈ সভাপতি অমিয় কুমাৰ ভূঞাই পূৰ্ণ সহযোগিতা তথা কাৰ্যকৰি কৰাৰ প্ৰতিশ্ৰুতি প্ৰদান কৰে ৷ আনহাতে অধিৱেশনখনৰ প্ৰস্তুতি সম্পৰ্কে বুজ লৈ মন্ত্ৰীগৰাকীয়ে সন্তুষ্টি প্ৰকাশ কৰি অধিৱেশন খন সফল কৰি তোলাৰ বাবে চৰকাৰে পূৰ্ণ সহযোগিতা আগবঢ়াব বুলিও জানিবলৈ দিয়ে ৷