চিচিবৰগাৱঁত শ্বহীদ মৃত্যুঞ্জয় চুতীয়াৰ স্মৃতিত পঞ্চায়তৰ কাৰ্যালয়ত তোৰণ, পকীপথ উদ্বোধন সাংসদবিধায়কৰ

২০২০ চনৰ ২৪ ডিচেম্বৰত জন্মু _ কাশ্মীৰ শ্ৰীনগৰৰ গাণ্ডীৰৱালত কৰ্তব্যৰত অৱস্হাত সন্ত্ৰাসবাদীৰ বৰ্বৰ আক্ৰমণত শ্বহীদ হৈছিল ধেমাজি চিচিবৰগাঁওৰ গেলুৱা আদৰ্শ গাঁৱৰ যুৱক তথা CRPF ৰ জোৱান মৃ্ত্যুঞ্জয় চুতীয়া ৷ চিচিবৰগাঁৱৰ শ্বহীদ মৃত্যুঞ্জয় চুতীয়া ৰ স্মৃতি যুগমীয়া কৰাৰ মানসেৰে চিচিবৰগাৱঁ গাৱঁ পঞ্চায়তৰ কাৰ্যালয়ৰ মূল প্ৰৱেশ তোৰণখন প্ৰায় তিনি লাখ টকাৰ নিৰ্মাণ কৰি উলিওৱা ৰ অন্তত সোমবাৰে লখিমপুৰ লোক সভাৰ সাংসদ প্ৰদান বৰুৱাই জোনাই সমষ্টিৰ বিধায়ক ভূৱন পেগু,চি আৰ পি এফ ৰ ডি আই জি ৰাজীৱ ৰঞ্জনৰ উপস্থিতিত ফিটা কাটি মুকলি কৰে ৷ ইয়াৰ পিছতে শ্বহীদ গৰাকীৰ প্ৰতিছব্বি ৰ সন্মুখত শ্ৰদ্ধাঞ্জলি জ্ঞাপন কৰা হয় ৷ আনহাতে প্ৰায় বাৰ লাখ টকাৰে শ্বহীদ গৰাকীৰ স্মৃতিত নিৰ্মাণ সম্পূৰ্ণ কৰা পকী পথটোৰ উদ্বোধন কৰে ৷ শ্বহীদ মৃত্যুঞ্জয় চুতীয়াৰ দেশ প্ৰেমৰ যি অৱদান সেইয়া ৰাজ্যবাসীৰ বাবে গৰ্বিত কৰা লগতে স্থানীয় অঞ্চল বাসীয়ে যি প্ৰচেষ্টা লৈছে তাক প্ৰশংসা কৰে চি আৰ পি এফ ৰ ডি আই জি ৰাজীৱ ৰঞ্জনে।