দৰঙৰ খাৰুপেটীয়া ত সংঘটিত হৈছে এক লোমহৰ্ষক হত্যাকাণ্ড। খাৰুপেটীয়া আৰক্ষী থানাৰ অন্তৰ্গত ঘেনামাৰী গাওঁৰ তাহেৰ আলীক (৫০) নিশা দুৰ্বৃত্তই হত্যা কৰি পেলাই থৈ যায় লাল ঝুৰাত। পৰিয়ালৰ লোকে জানিবলৈ দিয়া মতে অচিনাকী দুৰ্বৃত্তৰ দল এটাই নিশা তেওঁৰ ঘৰ লুট-পাট কৰি প্ৰায় ৩ লাখ টকা নিয়ে। দুৰ্বৃত্তৰ দলটোক চিনাক্ত কৰাৰ বাবে ঘৰৰ পৰা টানী চুচৰাই নি হত্যা কৰে ব্যক্তি গৰাকীক । হত্যাকৰি ঘেনামাৰীস্থিত লালঝুৰাত পেলাই থৈ যায় মৃতদেহ। পুৱাই মাছমৰীয়া এজনে নদীত মৃতদেহ প্ৰত্যক্ষ কৰি খবৰ দিয়ে পৰিয়ালৰ লোকক । লগে লগে খাৰুপেটীয়া আৰক্ষীক খবৰ দিয়াত মৃতদেহ মৰনোত্তৰ পৰীক্ষাৰ বাবে মঙলদৈ অসামৰিক চিকিৎসাললৈ প্ৰেৰণ কৰে । নিশাৰ আন্ধাৰত তাহেৰ আলীক হত্যাকৰা দুৰ্বৃত্তক অতি সোনকালে চিনাক্ত কৰি শাস্তি দিবলৈ দাবী জনাইছে পৰিয়ালৰ লোকে।
महावीर कुल्फी सेन्टर की और से बूंदी वासियों को दीपावली की हार्दिक बधाई व शुभकामनाएं
