টিংখাঙৰ দিৰৈ নৈত সমূহীয়া মৎস্য চিকাৰৰ আনন্দ। কোনোৱে পাইছে বৰালি মাছ কোনোৱে আৰি। মুঠতে প্ৰত্যেকজন মাছমৰীয়াই দুটা তিনিটাকে বৰালি, আৰি মাছ ধৰিবলৈ সক্ষম হৈছে। কোনোজনে চাৰিটালৈকে পাইছে বৰালি মাছ। টিংখাঙৰ বিভিন্ন গ্ৰামাঞ্চলৰ ৰাইজে নিতৌ এনেদৰে প'ল মাৰি সমূহীয়াকৈ দিৰৈ নৈত মাছ মাৰে । আৰু প্ৰতিজন মাছমৰীয়াই লাভ কৰে বৰালি আৰু আৰি মাছ। এবুকু, এডিঙিলৈকে পানীত নামি পল মাৰি মাছ ধৰাৰ এক সুন্দৰ দৃশ্য দেখিবলৈ পোৱা যায় টিংখাঙৰ দিৰৈ নৈত । এতিয়াৰ পৰা খৰালি লৈকে প্ৰত্যেক বছৰে শ শ ৰাইজে এনেদৰে প'ল, জাল আদি লৈ মাছ ধৰি আনন্দ উপভোগ কৰাৰ লগতে নিজে মাছ ধৰি বৰালি, আৰি মাছৰ জুতি লগাই পৰিয়ালৰ সৈতে এসাজ উদয় পূৰাই খোৱাৰ আনন্দই সুকীয়া ।