દાહોદ જિલ્લાના લીમખેડામા હીટ અન્ડ રનની ઘટના બની છે. લીમખેડા સર્કીટ હાઉસ નજીક હાઈવે પર ગત રાત્રીના સમયે રેતી ભરેલા ડમ્પર અને બાઇક વચ્ચે અકસ્માત સર્જાયો હતો. આ અકસ્માતમા ડમ્પરે બાઇક ચાલકને અડફેટે લેતા બાઇક ઉપર સવાર બે યુવકો પૈકી એક યુવકને ગંભીર ઈજાઓ પહોંચતા તેનુ ઘટના સ્થળે મોત નિપજ્યુ છે. જ્યારે અન્ય એક બાઈક સવાર યુવક ઘાયલ થતા તેને ૧૦૮ એમ્બ્યુલન્સ મારફતે સારવાર અર્થે દાહોદ હોસ્પિટલમા ખસેડાયો છે. આ અકસ્માતમા ડમ્પર ચાલક બાઈકને ૫૦૦ મીટર સુધી ઘસડી લાવ્યો હતો. ડમ્પર ચાલક અકસ્માત સર્જી ડમ્પર ઘટના સ્થળે મુકી ફરાર થઈ ગયો હતો. આ અકસ્માતની ઘટનાની જાણ થતા લીમખેડા પોલીસ ઘટના સ્થળે દોડી આવી હતી અને આગળની કાર્યવાહી હાથ ધરી છે.