ৰাজ্যৰ বিভিন্ন প্ৰান্তৰ লগতে লখিমপুৰ জিলাৰ নাৰায়ণপুৰ ৰাজহচক্ৰৰ অন্তৰ্গত বানে বিধ্বস্ত কৰা অঞ্চল সমুহত হ’ব পৰা ডেঙ্গু , চিকুনগুনিয়া , জাপানীজ এনকেফ্লাইটিছ , মেলেৰিয়া ফাইলেৰিয়া আদি সংক্ৰামক ৰোগৰ পৰা পৰিত্ৰাণ পাবৰ বাবে স্বাস্থ্য বিভাগ আৰু বিহপুৰীয়া সমষ্টিৰ  বিধায়ক অমিয় কুমাৰ ভূঞাৰ স্বাস্থ্য সেৱা সমিতিৰ উদ্যোগত ৰাজহচক্ৰটোৰ বানেগৰকা  বিভিন্ন স্থানত অনুষ্ঠিত কৰা হৈছে স্বাস্থ্য সজাগতা শিবিৰ ৷ ৰাজহচক্ৰটোৰ অন্তৰ্গত পিচলা পঞ্চায়তৰ ঠাকুৰ দলনি আৰু তাঁতিবাহাৰ উচ্চ মাধ্যমিক বিদ্যালয়ত এনে দুটা স্বাস্থ্য সজাগতা শিবিৰ উদ্ধোধন কৰি বিধায়ক অমিয় কুমাৰ ভূঞাই ৰাইজক স্বাস্থ্য সম্পৰ্কে  সজাগ আৰু সচেতন হবলৈ পৰামৰ্শ আগবঢ়াই ৷ সজাগতা শিবিৰত সহযোগিতা আগবঢ়োৱা চিকিৎসক , স্বাস্থ্যকৰ্মী আৰু বিজেপি দলৰ কাৰ্যকৰ্তাসকলক ধন্যবাদ জ্ঞাপন কৰে ৷