আজি পুৱতি নিশা দলগাৱঁৰ বেছিমাৰীত সংঘটিত হয় এক ভয়ংকৰ অগ্নিকাণ্ডৰ ঘটনা ৷ অগ্নিকাণ্ডৰ কাৰণ জানিব পৰা হোৱা নাই যদিও বিদ্যুতৰ শ্বৰ্ট চাৰ্কিটৰ ফলত অগ্নিৰ সূত্ৰপাত হোৱাৰ সন্দেহ প্ৰকাশ কৰিছে একাংশই । জানিব পৰা মতে, আজি পুৱতি নিশা সুত্ৰপাত হয় এই ভয়ংকৰ জুইৰ ৷ নিমিষতে জুয়ে আৱৰি ধৰে ৯ খনকৈ দোকান ৷ ক্ষন্তেক সময়ৰ ভিতৰতে দুখন‌ হোটেল, চাইকেলৰ দোকান, গেলামালৰ দোকান, কাপোৰৰ দোকানকে ধৰি ৯ খনকৈ দোকান সম্পূৰ্ণৰূপে জুইত ভস্মীভূত হয় ৷ দোকান কেইখনত থকা আনুমানিক ৫০ লক্ষাধিক টকাৰ সা সম্পত্তি নিমিষতে জ্বলি শেষ হৈ যায় বুলি জনাই ব্যৱসায়ী সকলে ৷ তিনি খন অগ্নি নিৰ্বাপক বাহিনীৰ গাড়ীৰে জুই নিৰ্বাপন কৰিবলৈ চেষ্টা কৰা হয়। ঘটনা সন্দৰ্ভত ভুক্তভোগী ব্যৱসায়ী সকলে চৰকাৰৰ ফালৰ পৰা উপযুক্ত ক্ষতিপূৰণ বিচাৰে ।