নাৰায়ণপুৰ ৰাজহচক্ৰৰ অন্তৰ্গত অসম অৰুনাচল সীমান্তৱৰ্তী দ্ৰোপাং নৈত সৃষ্টি হোৱা খহনীয়া ৰোধত নামি পৰিছে স্থানীয় ৰাইজ ৷ দ্ৰোপাংৰ  অনিৰুদ্ধ সেতু উত্তৰ দিশত নিচেই কাষত সৃষ্টি হৈছে তীব্ৰ খহনীয়া ৷ অবৈধ ভাৱে অব্যাহত থকা শিল বালিৰ খনন কাৰ্যৰ বাবে খৰস্ৰোতা নৈখনে গতি পথ সলনি কৰি কাষলৈ বৈ অহাৰ বাবে সৃষ্টি হৈছে খহনীয়া ৷ স্থানীয় ৰাইজৰ মাটি ভেটি খহনীয়াৰ কবলত পৰাৰ আংশকাত ৰাইজে খহনীয়া ৰোধৰ বাবে নামি পৰিছে ৷ বাঁহৰ জেং জাবৰ দি খহনীয়া ৰোধৰ চেষ্টা কৰিছে যদিও সেয়া যথোপযুক্ত নহয় ৷ ৰাইজে জিলা প্ৰশাসন আৰু স্থানীয় বিধায়কক খহনীয়া ৰোধৰ বাবে আবেদন নিবেদন কৰিও কোনো সুফল নোপোৱাৰ অভিযোগ ৷ ৰাইজৰ দাবী চৰকাৰে শীঘ্ৰে খহনীয়া ৰোধৰ ব্যৱস্থা কৰাৰ লগতে অবৈধ শিল বালিৰ খনন বন্ধ কৰক ৷ অন্যৰ্থা খহনীয়াত বৃহত্তৰ একোটো অঞ্চল জাহ যোৱাৰ লগতে দ্ৰোপাংৰ ওপৰৰ অনিৰুদ্ধ সেতুলৈ অশনি সংকেত কঢ়িয়াই আনিব বুলি আশংকা কৰিছে ৷